Shaanxi

Moenie verwar word met die aangrensende provinsie Shanxi nie.

Shaanxi 陕西省 (Chinees)
Provinsie
Die Terracottaleër in Xi'an, Shaanxi
Ligging van Shaanxi in die Volksrepubliek China
Koördinate: 35°36′0″N 108°24′0″O / 35.60000°N 108.40000°O / 35.60000; 108.40000Koördinate: 35°36′0″N 108°24′0″O / 35.60000°N 108.40000°O / 35.60000; 108.40000
Land	Volksrepubliek China
Hoofstad	Xi'an
Grootste stad	Xi'an
Regering
• Tipe	Regering van Shaanxi
• Sekretaris	Liu Guozhong
• Goewerneur	Zhao Yide
Oppervlak [1]
• Totaal	205 800 km2 (79 500 vk. myl)
Bevolking [2]
• Totaal	37 327 378
• Digtheid	180/km2 (470/vk. myl)
• Rang	16de
Tydsone	UTC+08:00 (SST)
Etniese groepe	Han (99,5%), Hui (0,4%)
Webwerf	www.shaanxi.gov.cn

Shaanxi (Chinees: 陕西, Pinyin: Shǎnxī, luister (hulp·inligting)) is 'n provinsie in die sentraal-noorde van die Volksrepubliek China. Dit is amptelik deel van Noordwes-China en grens aan die provinsievlak afdelings van Shanxi (NO, O), Henan (O), Hubei (SO), Chongqing (S), Sichuan (SW), Gansu (W), Ningxia (NW) en Binne-Mongolië (N). Shaanxi beslaan 'n gebied van meer as 205 000 km2 met ongeveer 37 miljoen mense, die 16de hoogste in China. Xi'an – wat die terreine van die voormalige Chinese hoofstede Fenghao en Chang'an insluit – is die provinsiale hoofstad sowel as die grootste stad in Noordwes-China^[3] en ook een van die oudste stede in China en die oudste van die Vier Groot Antieke Hoofstede, synde die hoofstad vir die Westelike Zhou, Westelike Han, Jin, Sui en Tang dinastieë. ^[4] Xianyang, wat as die hoofstad van die Qin-dinastie gedien het, is net noord oorkant die Wei-rivier. Die ander stede op prefektuurvlak waarin die provinsie verdeel is, is Ankang, Baoji, Hanzhong, Shangluo, Tongchuan, Weinan, Yan'an en Yulin.

Die provinsie is geografies in drie dele verdeel, naamlik Noord-, Sentraal- en Suidelike Shaanxi. Noord-Shaanxi (of "Shaanbei") maak die suidoostelike gedeelte van die Ordos-kom uit en bestaan hoofsaaklik uit die twee prefektuurstede Yulin en Yan'an op die noordelike Loess-plato, afgebaken van die Ordos-woestyn en die grasvelde van Binne-Mongolië se Ordos-stad deur die Ming Groot Muur. Sentraal-Shaanxi (of "Shaanzhong") is ook bekend as die Guanzhong-streek en bestaan uit die dreineringskom van die laer Wei-rivier oos van Mount Long en noord van die Qinlingberge, waar die meerderheid van Shaanxi se bevolking woon. Suidelike Shaanxi (of "Shaannan") bestaan uit die drie prefektuurstede aan die rand van die historiese Bashu-streek suid van die Qinlingberge en sluit die drie bergagtige stede Hanzhong, Ankang en Shangluo in.

Die oorgrote meerderheid van die bevolking van Shaanxi is Han-Chinees (>99%), met Hui, Mantsjoe en Mongole as die belangrikste etniese minderhede. Mandaryns Chinees is die hooftaal in Shaanxi, insluitend Zhongyuan Mandaryns en Suidwestelike Mandaryns dialekte; 'n ander verskeidenheid Chinese, Jin-Chinees, word ook in die naburige streke van Shanxi gepraat.

Shaanxi is China se 15de grootste ekonomie en is in die middelvlak onder China se administratiewe afdelings. Die fossielbrandstof- en hoëtegnologiesektore vorm die twee grootste nywerhede in die Shaanxi-provinsie. Die hoëtegnologiesektor sluit vliegtuig- en lugvaartnywerhede in en Shaanxi produseer meer as 50% van die R&D en vervaardigingstoerusting vir die land se binnelandse kommersiële lugvaartbedryf.^[5]

1. ↑ (en) "Doing Business in China – Survey". Ministry of Commerce of the People's Republic of China. Geargiveer vanaf die oorspronklike op 26 Mei 2014. Besoek op 5 Augustus 2013.
2. ↑ (en) "Communiqué of the National Bureau of Statistics of People's Republic of China on Major Figures of the 2010 Population Census [1] (No. 2)". National Bureau of Statistics of China. 29 April 2011. Geargiveer vanaf die oorspronklike op 27 Julie 2013. Besoek op 4 Augustus 2013.
3. ↑ 最新中国城市人口数量排名（根据2010年第六次人口普查）. www.elivecity.cn (in Chinese (China)). Geargiveer vanaf die oorspronklike op 3 Maart 2015. Besoek op 12 Junie 2019.
4. ↑ "Xi'an – MSN Encarta". 28 Februarie 2008. Geargiveer vanaf die oorspronklike op 28 Februarie 2008. Besoek op 12 Junie 2019.
5. ↑ "China Economy @ China Perspective". Geargiveer vanaf die oorspronklike op 8 Oktober 2011. Besoek op 25 Oktober 2011.